Woh jo hum mein’ tum mein’ qaraar tha

Woh jo hum mein’ tum mein’ qaraar tha Full Urdu Poem By RJ Shafique Khokhar-- www.akhrish.com

وہ جو ہم میں تم میں قرار تھا

تمہیں یاد ہو کہ نہ یاد ہو

وہی وعدہ یعنی نباہ کا

تمہیں یاد ہو کہ نہ یاد ہو

وہ جو لطف مجھ پہ تھے پیش تر

وہ کرم کہ تھا مرے حال پر

مجھے سب ہے یاد ذرا ذرا

تمہیں یاد ہو کہ نہ یاد ہو

وہ نئے گلے، وہ شکایتیں

وہ مزے مزے کی حکایتیں

وہ ہر ایک بات پہ روٹھنا

تمہیں یاد ہو کہ نہ یاد ہو

کبھی بیٹھے سب میں جو رُوبرُو

تو اشارتوں ہی سے گفتگو

وہ بیانِ شوق کا برملا

تمہیں یاد ہو کہ نہ یاد ہو

ہوئے اتفاق سے گر بہم

تو وفا جتانے کو دم بہ دم

گلہء ملامتِ اقربا

تمہیں یاد ہو کہ نہ یاد ہو

کوئی ایسی بات اگر ہوئی

کہ تمہارے جی کو بری لگی

تو بیاں سے پہلے ہی بھولنا

تمہیں یاد ہو کہ نہ یاد ہو

کبھی ہم میں تم میں بھی چاہ تھی

کبھی ہم سے تم سے بھی راہ تھی

کبھی ہم بھی تم بھی تھے آشنا،

تمہیں یاد ہو کہ نہ یاد ہو

سنو ذکر ہے کئی سال کا

کہ کیا اِک آپ نے وعدہ تھا

سو نباہنے کا تو ذکر کیا

تمہیں یاد ہو کہ نہ یاد ہو

کہا میں نے بات وہ کوٹھے کی

مِرے دل سے صاف اتر گئی

تَو کہا کہ جانے مِری بلا

تمہیں یاد ہو کہ نہ یاد ہو

وہ بگڑنا وصل کی رات کا

وہ نہ ماننا کسی بات کا

وہ نہیں نہیں کی ہر آن ادا

تمہیں یاد ہو کہ نہ یاد ہو

جسے آپ گنتے تھے آشنا

جسے آپ کہتے تھے با وفا

میں وہی ہوں مومنِ مبتلا

تمہیں یاد ہو کہ نہ یاد ہو

حکیم مومن خان مومن

Woh jo hum mein’ tum mein’ qaraar tha, tumhein’ yaad ho ke na yaad ho-

Wahi yaani waada nibaah ka, tumhein’ yaad ho ke na yaad ho..

Woh jo lutf mujh pe the peshtar, woh karam ke tha mere haal par-

Mujhe sab hai yaad zara zara, tumhein’ yaad ho ke na yaad ho..

woh naye gile woh shikaayatein’, woh maze maze ki hikaayatein-

woh har aik baat pe roothna, tumhein’ yaad ho ke na yaad ho..

kabhi baithe sab mein’ jo ru-ba-ru, to ishaaraton’ se hi guftagu-

woh bayaan shauq ka barmalaa, tumhein’ yaad ho ke na yaad ho..

koi baat aisi agar hui, ke tumhare ji ko buri lagi-

to bayaan’ se pehle hi bhoolna, tumhein’ yaad ho ke na yaad ho..

kabhi hum mein’ tum mein’ bhi chaah thi, kabhi hum se tum se bhi raah thi-

kabhi hum bhi tum bhi the aashna, tumhein’ yaad ho ke na yaad ho..

suno! zikr hai kai saal ka, ke kiya aap ne ek waadaa tha-

so nibaahne ka to zikr kya, tumhein’ yaad ho ke na yaad ho..

jise aap ginte the aashnaa, jise aap kehte the baawafaa-

main’ wahi hun’ Momin’ mubtala, tumhein’ yaad ho ke na yaad ho..

(Momin Khan’ Momin’)