Funny Poetry in Urdu || Funny Shayari Video || Funny Shayari on Husband Wife
Click Here to Watch The Video
اک ڈاؤن 😍👻
Click Here to Watch The Video
اک ڈاؤن 😍👻
پی لینے آں ، کھا لینے آں
سو لینے آں ، گا لینے آں
ویلا اینج ٹپا لینے آں
سبزی ، دال پکانی سکھ لئی
چھت تے منجی ڈاہنی سکھ لئی
لاک ڈاؤن دے چار دناں وچ
روٹی گول پکانی سکھ لئی
پانڈے شانڈے دھون توں پہلاں
لیمن میکس لگا لینے آں
ویلا اینج ٹپا لینے آں
ہتھ ملان توں ڈردے سارے
جپھی پان توں ڈردے سارے
اک میٹر دی دوری ، اُتوں
ماسک چڑھا کے پھردے سارے
ویکھو ویکھ اساں وی کہنی
کہنی نال لگا لینے آں
ویلا اینج ٹپا لینے آں
سارے یار پرانے لُک گئے
ہوٹل دے سب کھانے مُک گئے
نکے جئے وائرس دے ہتھوں
دنیا دے کم سارے رُک گئے
نظماں وچ توانوں اپنے
دل دا حال سنا لینے آں
