Akhrish: ATBAF ABRAK

Barish ka Mosam - December poetry - Sad Poetry in Urdu - Hindi Poetry - Deep Poetry - SK Poetry

Barish ka Mosam - December poetry - Sad Poetry in Urdu - Hindi Poetry - Deep Poetry - SK Poetry
Click Here to Download the Video

بکھرتے رابطوں کا ہے، بچھڑتے راستوں کا ہے

دسمبر نام ہے جس کا مہینہ حادثوں کا ہے

کہیں ہے آس کا بادل کہیں یادوں کی بوندیں ہیں

مچلتی خواہشوں کا ہے ، یہ موسم بارشوں کا ہے

وہی مے کش ہوائیں ہیں وہی گم صم فضائیں ہیں

مری پُر امن دنیا میں یہ موسم سازشوں کا ہے

پرانے عارضے سارے، امڈ آئے ہیں آنکھوں میں

یہ موسم ہے سرابوں کا یہ موسم وسوسوں کا ہے

وہی سب رت جگے ابرک، وہی تیرے گلے ابرک

کہ اُس کے بعد بھی ہر پل اُسی کی وحشتوں کا ہے

اتباف ابرک

ATBAF ABRAK Full Urdu Poems Sad Urdu Poems Video Poetry

Wo Ham Ko Dil Ma Rakhe Ga Atbaf Abrak

Heart Touching Urdu Ghazal || Atbaf Abrak New Poetry || Maar Dale Ga || Best Urdu Poetry

وہ ہم کو دل میں رکھے گا یا دل سے اب نکالے گا

اٹھے گا جب تلک پردہ تجسس مار ڈالے گا

میں اکثر جانچنے کو یہ بس اپنا حق جتاتا ہوں

کہاں تک بات مانے گا کہاں پر ہم کو ٹالے گا

کہاں ممکن تعین ہے ، تعلق کا رویوں سے

یقیں ہم پر ہے اس کو زخم سب چپ چاپ کھا لے گا

محبت کی ڈگر پر جو بھی نکلے سوچ کر نکلے

سفر یہ وہ نہیں ہے جو یہاں منزل بھی پا لے گا

کبھی سوچا گیا جو تھک کے دل کی وا گزاری کا

سوال اٹھا یہی, مصروفیت کیا اور پالے گا

چلن اہلِ وفا کا ہے اٹل خاموشیاں ابرک

زمانہ دیکھتا ہے سب، وہ خود قصہ اچھالے گا

اتباف ابرک

Heart Touching Urdu Ghazal || Atbaf Abrak New Poetry || Maar Dale Ga || Best Urdu Poetry

ATBAF ABRAK Awaami Poems Full Urdu Poems Sad Urdu Poems Video Poetry

Rabte Bhi Rakhta Hon Raste Bhi Rakhta Hon

Rabte Bhi Rakhta Hon Raste Bhi Rakhta Hon Full Urdu Hindi Ghazal By Shafique Khokhar-- www.akhrish.com

رابطے بھی رکھتا ہوں راستے بھی رکھتا ہوں

لوگوں سے بھی ملتا ہوں فاصلے بھی رکھتا ہوں

غم نہیں ہوں کرتا اب، چھوڑ جانے والوں کا

توڑ کر تعلق میں، در کھلے بھی رکھتا ہوں

موسموں کی گردش سے میں ہوں اب نکل آیا

یاد پر خزاؤں کے حادثے بھی رکھتا ہوں

خود کو ہے اگر بدلا وقت کے مطابق تو

وقت کو بدلنے کے حوصلے بھی رکھتا ہوں

بھر کے بھول جاتے ہیں گھاؤ فکر ہے مجھ کو

زخم کچھ پرانے سو ان سلے بھی رکھتا ہوں

گو کسی بھی منزل کی اب نہیں طلب مجھ کو

ہر گھڑی میں پیروں میں، آبلے بھی رکھتا ہوں

مانتا ہوں ابرک میں، بات یار لوگوں کی

سوچ کے مگر اپنے، زاویے بھی رکھتا ہوں

۔اتباف ابرک

Rabte Bhi Rakhta Hon Raste Bhi Rakhta Hon Full Urdu Hindi Ghazal By Shafique Khokhar-- www.akhrish.com

ATBAF ABRAK Full Urdu Poems Sad Urdu Poems Video Poetry

Wo Shakhs Kitna Sudhar Gaya Hai

Wo Shakhs Kitna Sudhar Gaya Hai Full Urdu Poem By Shafique Khokhar-- www.akhrish.com

وہ شخص کتنا سدھر گیا ہے

کہ دل سے میرے اتر گیا ہے

تھا اک تعلق عذاب سا جو

وہ ٹوٹ کر اب سنور گیا ہے

جو ساتھ رہ کر بجھا بجھا تھا

بچھڑ کے کتنا نکھر گیا ہے

سکوں ہے اب جو نہ یہ خبر ہے

اِدھر گیا یا اُدھر گیا ہے

جو کوچہ کوچہ بھٹک رہا تھا

وہ آج اپنے ہی گھر گیا ہے

سرہانے رکھ کے تھا میں تو سویا

یہ ڈر نہ جانے کدھر گیا ہے

وہ وہم جس پہ میں مر مٹا تھا

میں جی اٹھا تو وہ مر گیا ہے

نہ ڈھونڈ اُس کو تو اِس کنارے

جو پار کب کا اتر گیا ہے

میں راہ سے وقت پہ ہٹا ہوں

سو وقت گزرا، گزر گیا ہے

ہے خوش نصیبی کمال ابرک

کہ رائیگاں یہ سفر گیا ہے

اتباف ابرک

Wo Shakhs Kitna Sudhar Gaya Hai Full Urdu Poem By Shafique Khokhar-- www.akhrish.com

ATBAF ABRAK Full Urdu Poems Romantic Poems Sad Urdu Poems

اتباف ابرک

شبِ تاریک میں کچھ دیپ جلائے ہوتے

کاش ہم نے بھی کوئی فرض نبھائے ہوتے

کتنا آساں ہے یوں لوگوں سے شکایت رکھنا

اپنے کاندھوں پہ سبھی بوجھ اٹھائے ہوتے

ہم کہ چپ چاپ جھکے سامنے جو بت آیا

حق تو یہ تھا کہ وہ بت ہم نے گرائے ہوتے

اپنے انجام پہ ہم کو بھی فخر ہونا تھا

دل گمانوں کی اگر زد میں نہ آئے ہوتے

مانا نفرت کا تو ہے کام فنا کر دینا

اجڑے کچھ شہر محبت نے بسائے ہوتے

جب تھا معلوم جہاں توڑ کے رکھ دیتا ہے

اپنے کچھ خواب زمانے سے بچائے ہوتے

ایسی بے رنگ نہ ہوتی کبھی محفل اپنی

روٹھے کچھ لوگ اگر خود ہی منائے ہوتے

جان لے لیتے اسے شہر بدر کر دیتے

سب ستم خود نہ اگر خود پہ یہ ڈھائے ہوتے

وقت کی دھوپ نے سب یاد کرائے اپنے

ساتھ ہوتے تو وہ بادل بنے چھائے ہوتے

آج دنیا ہے مری پھر بھی یوں لگتا ابرک

ہم وہ مہماں ہیں جو بے وقت ہیں آئے ہوتے

اتباف ابرک