Maa Ki Shan Purane Zamane K Maein Kitne Sada Hote Thee Full Urdu Hindi Ghazal By Shafique Khokhar-- www.akhrish.com
میرے دور کی مائیں کتنی سادہ ہوتی تھی
یہ ہمیشہ پرانے زمانے میں زندہ رہتی تھی، انہیں لگتا تھا کہ ان کی اولاد دنیا کی معصوم ترین اولاد ہے۔
انہیں ہر وقت یہ خطرہ رہتا ہے کہ ان کا بچہ ہمیشہ بچہ ہی رہے گا اور دنیا کی چالاکیوں سے ناواقف رہے گا۔
یہ دنیا کے ہر مسئلے کا حل دعاؤں کو قرار دیتی تھی اور حیرت انگیز طور پران کی دعائیں رنگ بھی لے آتی تھی
بڑی بڑی باتیں نہیں سمجھتی،تھی
دلائل سے بات نہیں کر سکتی،تھی
سادہ زندگی گذارتی تھی
کسی بھی بات کو سچ سمجھ لیتی تھی
بڑی جلدی گھبرا جاتی تھی
چھوٹی چھوٹی باتوں پر سہم جاتی تھی، لڑائی سے گھبراتی تھی
ہم میں سے شائد کسی کو نہ پتا ہو کہ ہماری ماں کون سا کھانا بہت شوق سے کھاتی تھی ؟
اس کی پسند کیا تھی؟
ہم یہ بھی نہیں جانتے تھےکہ ماں کو کس رنگ کا سوٹ پسند تھا، پسندیدہ سویٹ ڈش کون سی تھی ؟
اپنی ماں کو کسی چیز کے لیے للچاتے ہوئے نہیں دیکھا تھا
یاد کیجئے اپنے بچپن کے وہ دن
جب آپ پیٹ بھر کر کھانا کھاتے تھے اور ماں ہمیشہ ہانڈی پونچھ پونچھ کر پیٹ بھرتی تھی۔
ہم میں سے کتنے لوگوں کو یادہے کہ ان کی ماں کو جب بے وقت بھوک لگتی ہے تو وہ کیا کھاتی تھی
کیا آپ نے کبھی اِس پرانی ماں کو برگر یا پیزے کے لیے مچلتے دیکھا تھا؟
اسے جو بھی دے دیا جائے یہ صبر شکر کرکے کھا لیتی تھی، یہ سخت بیمار بھی ہو تو اسے بچوں کی فکر کھائے جاتی تھی
یہ ڈاکٹر کے پاس جائے بغیر خود ہی ٹھیک ہوجاتی ہے، یہ اتنی سادہ ہوتی ہے کہ اپنے جہیز کی چیزیں بھی یہ سوچ کر رکھ دیتی ہے کہ بیٹی کے کام آئیں گی۔
ہمیں ایسا ہی لگتاہے جیسے ہماری ماں بس شروع سے ہی ایسی تھی،
نہیں۔۔۔یہ ماں بھی کبھی نوجوان تھی،
اس کی بھی کچھ خواہشیں ،
کچھ امنگیں تھیں،
لیکن ماں بنتے ہی اس نے اپنے سارے جذبے، سارے شوق دفن کرلیے
اور صرف اولاد کی ھی ہوکر رہ گئی۔
شکریہ ماں
