Bicharne wale Chale Jo Ho Tu Bta K Jao

Bicharne waley chale jo ho to bata k jao Full Urdu Poem with voice By RJ Shafique Khokhar-- www.akhrish.com 

کچھ لوگ کو ''بچھڑنے'' کی اتنی جلدی ہوتی ہے کہ وہ بنا کچھ کہے اچانک ''بچھڑ'' جاتے ہیں ۔ یہ سوچے بنا کے جس سے وہ اتنی عجلت میں''بچھڑ '' رہے ہیں وہ ان کے بعد کیسے رہ پائیں گئے ، ان ہی ملتے جلتے احساسات کی عکاسی کرتی ایک '' نظم" #بچھڑ_ #جانےوالوںکے_لیے...؟؟؟

بچھڑنے والے

چلے جو ہو تو بتا کے جاؤ ۔ ۔ ۔ ۔

کہ کتنی شامیں اداس آنکھوں میں کاٹنی ہیں_؟؟؟

کہ کتنی صبحیں اکیلے پن میں گزارنی ہیں_؟؟؟

بتا کے جاؤ

کہ کتنے سورج عذاب رستوں کو دیکھنا ہے_؟؟؟

کہ کتنے مہتاب سرد راتوں کی وسعتوں سے نکالنے ہیں ؟

بتا کے جاؤ ۔ ۔ ۔ ۔ ۔

کہ چاند راتوں میں وقت کیسے گزارنا ہے_؟؟؟

خاموش لمحوں میں تجھ کو کتنا پکارنا ہے_؟؟؟

بتا کے جاؤ۔ ۔ ۔ ۔

کہ کتنے لمحے شمار کرنے ہیں ہجرتوں کے_؟؟؟

کہ کتنے موسم اک ایک کر کے جدائیوں میں گزارنے ہیں ؟

بتا کے جاؤ ۔ ۔ ۔ ۔

کہ پنچھیوں نے اکیلے پن کا سبب جو پوچھا

تو کیا کہوں گا__؟؟؟

کسی نے رستے میں روک کر جو مجھ سے پوچھا

کہ پچھلے موسم میں ساےٴ ساےٴ جو اجنبی تھا ۔ ۔ ۔ !!۔

کہاں گیا ہے__ ؟؟ ؟

تو کیا کہوں گا__؟؟؟

بتا کے جاؤ ۔ ۔ ۔ ۔ ۔

میں کس سے تیرا گلہ کروں گا_؟؟؟

بچھڑ کے تجھ سے حبیب . . کس سے ملا کروں گا_؟؟؟

بتا کے جاؤ کہ آنکھ برسی تو کون موتی چنا کرے گا؟

اداس لمحوں میں دل کی دھڑکن سنا کرے گا_؟؟؟؟

بتا کے جاؤ کہ موسموں کو پیام دینے ہیں_؟؟؟ یا نہیں__؟؟؟

فلک کو ، تاروں کو ، جگنوؤں کو سلام دینے ہیں_؟؟؟ یا نہیں_؟؟؟؟

بتا کے جاؤ ۔ ۔ ۔ ۔

کہ کس پہ ہے اعتبار کرنا_؟؟؟

تو کس کی باتوں پہ بےنیازی کے سلسلے اختیار کرنا ؟

بتا کے جاؤ کہ اب رویوں کی چال کیا ہو_؟؟؟

جواب کیا ہو__ ؟ سوال کیا ہو__؟

عروج کیا ہو_؟ زوال کیا ہو__؟

نگاہ ، رخسار ، زلف ، چہرہ . . نڈھال کیا ہو_ ؟

بتا کے جاؤ ۔ ۔ ۔ ۔ ۔

کہ میری حالت پہ چاندنی کھلکھلا پڑی تو

میں کیا کروں گا__ ؟؟

بتا کے جاؤ ۔ ۔ ۔ ۔

کہ میری صورت پہ تیرگی مسکرا پڑی تو

میں کیا کروں گا__ ؟؟

بتا کے جاؤ

کہ تم کو کتنا پکارنا ہے__؟؟؟

بچھڑ کے تجھ سے یہ وقت کیسے گزارنا ہے_؟

اجاڑنا ہے_؟ نکھارنا ہے__ ؟

بدن کو کتنا سوارنا ہے__ ؟

چلے جو ہو تو_

بتا کے جاؤ_ !!

کہ لَوٹنا بھی ہے__ ؟؟ یا__ !!