Agarche tujh se bahut | Parveen Shakir | Parveen Shakir ki Shayari | Urdu Poetry | SK Writes

Agarche tujh se bahut | Parveen Shakir | Parveen Shakir ki Shayari | Urdu Poetry | SK Writes
Click Here To Watch The Video

اگرچہ تجھ سے بہت اختلاف بھی نہ ہُوا

مگر یہ دِل تِری جانب سے صاف بھی نہ ہُوا

تعلقات کے بَرزخ میں ہی رکھا مُجھ کو

وہ میرے حق میں نہ تھا اور خلاف بھی نہ ہُوا

عجب تھا جُرمِ مُحبّت کہ جس پہ دل نے مِرے

سزا بھی پائی نہیں اور معاف بھی نہ ہُوا

مَلامتوں میں کہاں سانس لے سکیں گے وہ لوگ

کہ جن سے کُوئے جفا کا طواف بھی نہ ہُوا

عجب نہیں ہے کہ دل پر جَمی مِلی کائی

بہت دنوں سے تو یہ حوض صاف بھی نہ ہُوا

ہَوائے دہر! ہمیں کِس لئے بُجھاتی ہے

ہمیں تو تجھ سے کبھی اختلاف بھی نہ ہُوا

پروین شاکر

Agarche tujh se bahut ikhtilaf bhi na hwa
Magar ye dil tere janib se saaf bhi na hwa

Taalluqat ke barzakh ma he rakha mujh ko 
vo mere haq ma na tha aur khilaf bhi na hwa

Ajab tha jurm-e-mohabbat ki jis pe dil ne mire 
saza bhi paye nahe aur maf bhi na hwa

Malamaton ma kahan saans le sakenge vo log 
ki jin se ku-e-jafa kā tavaf bhi na hwa 

ajab nahe hai ki dil par jami mili kaye 
bahut dino se to ye hauz saaf bhi na hwa

hava-e-dahr hame kis liye bujhati hai 
hame to tujh se kabhi ikhtilaf bhi na hwa