Khud Say Naraz Zamane Say Khafa Rehtay Hain

Khud Say Naraz Zamane Say Khafa Rehtay Hain Full Urdu Poem By Shafique Khokhar-- www.akhrish.com

خود سے ناراض ، زمانے سے خفا رہتے ہیں​

جانے کیا سوچ کے ہم سب سے جدا رہتے ہیں​

​

کس طرح آ کے بسے کوئی تری بستی میں​

تیری بستی میں تو پتھر کے خدا رہتے ہیں​

​

عمر گذری ہو اندھیروں کے نگر میں جن کی​

وہ زمانے کے لیۓ بن کے دیا رہتے ہیں​

​

دور ہیں مجھ سے بظاہر گو مرے سب اپنے​

میرے دِل میں وہ مگر مثلِ دعا رہتے ہیں​

​

میں نے مانا کہ مرے ساتھ نہیں ہیں لیکن​

وہ مرے دل کی مگر بن کے صدا رہتے ہیں​

​

ہم نے مانا کہ سزاوار نہیں اہلِ وفا​

جانے کس جرم کی پاتے وہ سزا رہتے ہیں​

​

ملک و ملت پہ جو مٹتے ہیں ،شہیدانِ وطن​

جسم مٹنے پہ بھی زندہ وہ سدا رہتے ہیں​

​

جن کو بچپن سے ہی اپنوں کی محبت نہ ملے​

ان کے جیون میں ہمیشہ ہی خلا رہتے ہیں​

​

ایک وہ ہیں کہ جفا جن کا ہے شیوہ عذراؔ​

ایک ہم ہیں کہ جو پابندِ وفا رہتے ہیں​

​

(عذراناز)​