سسکتی رت کو مہکتا گلاب کر دوں گا
میں اس بہار میں سب کا حساب کر دوں گا
میں انتظار میں ہوں تو کوئی سوال تو کر
یقین رکھ میں تجھے لا جواب کر دوں گا
ہزار پردوں میں خود کو چھپا کے بیٹھ مگر
تجھے کبھی نہ کبھی بے نقاب کر دوں گا
مجھے بھروسہ ہے اپنے لہو کے قطروں پر
میں نیزے نیزے کو شاخ گلاب کر دوں گا
مجھے یقین کہ محفل کی روشنی ہوں میں
اسے یہ خوف کہ محفل خراب کر دوں گا
مجھے گلاس کے اندر ہی قید رکھ ورنہ
میں سارے شہر کا پانی شراب کر دوں گا
مہاجنوں سے کہو تھوڑا انتظار کریں
شراب خانے سے آ کر حساب کر دوں گا
راحت اندوری
Sisakti rut ko meehakta gulaab kar doonga
Main is bahaar main sab ka hisab kar donga
Main intezar main hon tu koi sawal to kar
Yakeen rakh main tujhe lajawab kar doonga
Hazaar pardon main khud ko chupa ke baith magar
Tujhe kabhi na kabhi benaqaab kar doonga
Mujhe bharosa hai apne lahoo ke katron pe
Main neze neze ko shaakh e gulab kar doonga
Mujhe yakeen hai ki mehfil ki roshni hoon main
Unhe ye khauff ke mehfil kharab kar doonga
Mujhe gilaas ke andar hi qaid rakh warna
Main saare shahar ka pani sharab kar doonga
Mahajano se kaho thoda intezaar karein
Sharab khane se aakar hisaab kar doonga
Raahat Indori
Post A Comment: