Shok-e-Wisal yar Bhulane Ki dair Thee Full Urdu Poem
شوقِ وصالِ یار بھلانے کی دیر تھی
شوقِ وصالِ یار بھلانے کی دیر تھی
اب تک تمہارا ہجر منانے کی دیر تھی
آنکھوں کے ساتھ دل کے بھی آنسو نکل گئے
میری دیوارِ ضبط گرانے کی دیر تھی
خُوشبو تمہارے لمس کی آنے لگی مجھے
سچ پُوچھیئے تو آنکھ لگانے کی دیر تھی
کوزہ گروں سے پھر نہ ہوا معجزہ کوئی
لگتا ہے میری شکل بنانے کی دیر تھی
چاروں طرف سے گھیر لیا ہے ہواؤں نے
یعنی کہ بس چراغ جلانے کی دیر تھی
پھر اُس کے بعد میں بھی غلاموں کی صف میں تھا
بس اُس کا ایک ناز اُٹھانے کی دیر تھی
پھر سے اُداسیوں نے مجھے آ لیا شفیق
محفل سے اُٹھ کے یار کے جانے کی دیر تھی
شفیق عطاری
Post A Comment: