Aisi Bhi Thi Kuch Halat Dil Say Chupaye Dil ki Bat Full Urdu Poem By Shafique Khokhar
ایسے بھی تھے کچھ حالات
دل سے چھپائی دل کی بات
ہر اک نے اک بات کہی
کوئی نہ سمجھا دل کی بات
شام و سحر کا نام نہ تھا
ایسے بھی دیکھے دن اور رات
عشق کی بازی کیا کہیے
سوچ سمجھ کر کھائی مات
دل کے ہاتھوں ہم مجبور
دل کی لاج پرائے ہات
حسن کے تیور کیا کہنے
ہر لحظہ اک تازہ بات
اشکوں کا طوفان اٹھا
غم میں ڈوب گئی برسات
تم بھی ضبط کرو ہم بھی
عشق ہے کس کے بس کی بات
سہمی سہمی سی وہ نگاہ
بدلے بدلے سے حالات
بھول گیا ہے سب کچھ دل
یاد آئی ہے کون سی بات
ایک تبسم اشک آلود
بھیگی بھیگی درد کی بات
Post A Comment: