Lakh Doori Ho Magar Ehad Nibhate Rehna

لاکھ دوری ہو مگر عہد نبھاتے رہنا 

جب بھی بارش ہو میرا سوگ مناتے رہنا

تم گئے ہو تو سر شام یہ عادت ٹھہری 

بس کنارے پہ کھڑے ہاتھ ہلاتے رہنا

جانے اس دل کو یہ آداب کہاں سے آئے 

اس کی راہوں میں نگاہوں کو بچھاتے رہنا

ایک مدت سے یہ معمول ہوا ہے اب تو 

آپ ہی روٹھنا اور آپ مناتے رہنا

تم کو معلوم ہے فرحت کہ یہ پاگل پن ہے 

دور جاتے ہوئے لوگوں کو بلاتے رہنا

Lakh doori ho magar ehand nibhatay rehna
 Jab bhi barish ho maira soog manatay rehna

 Tum gaye ho to sar-e-shaam yeh adat thehri
 Bas kinaray pay kharay hath hilatay rehna

 Janay iss dil koi yeh aadaab kahan say aye
 Uss ki raahon main nigahon ko bichatay rehna

 Aik mudat say yeh maamool howa hai ab to
 Aap hi roothna aur aap hi manatay rehna

 Tum ko maaloom hai farhat, yeh pagal pan hai

 Door jatay howay logon ko bulatay rehna