Maa kaash mai aj school na jaata,
Shayad tumhe phir se dekh pata
Teri awaz sunney ko kaan taras rahe hai,
Dekho na maa baarudo k gole baras rahe hai
Saare baache apni apni maa ko pukar rahe hai,
Maa ye log hume kyu maar rahe hai
Tiffin me di tumari roti bhi nai khaai hai,
Maa aaj golio ne meri bhuk mitaai hai
Papa se kehna ab mujhe school lene na aaye,
Dekh nahi paunga unhe mera taboot uthaaye
Mere jaane se apna hausla mat khona,
Maa mujhse bichhad kar tum mat rona
Mere khilone ,meri kitabe , mera basta,
Janta hu teri aankhe dekhti rahegi roz mera rasta
bhaiyya se kehna uska sathi rooth gaya hai,
bachpan ka humara sath chhott gaya hai
Didi se kehna mere liye aansu na bahaye,
Roz meri tasveer ko chota sa phhol chadaye
Teri yaado me, khwabo me, zikr me, reh jaunga,
Maa mai ab kabhi wapas nahi aaunga
Maa mai ab kabhi wapas nahi aaunga
Post A Comment: