Unki Mehfil Mein Naseer (Full Ghazal ) | Pir Naseer ud Din Naseer Poetry | Sad Poetry in Urdu

Unki Mehfil Mein Naseer (Full Ghazal ) | Pir Naseer ud Din Naseer Poetry | Sad Poetry in Urdu

Click Here to Watch The Video

 ان کے اندازِ کرم ، ان پہ وہ آنا دل کا

ہائے وہ وقت ، وہ باتیں ، وہ زمانا دل کا

نہ سنا اس نے توجہ سے فسانا دل کا

زندگی گزری ، مگر درد نہ جانا دل کا

کچھ نئی بات نہیں حسن پہ آنا دل کا

مشغلہ ہے یہ نہایت ہی پرانا دل کا

وہ محبت کی شروعات ، وہ بے تھاہ خوشی

دیکھ کر ان کو وہ پھولے نہ سمانا دل کا

دل لگی، دل کی لگی بن کے مٹا دیتی ہے

روگ دشمن کو بھی یارب ! نہ لگانا دل کا

ایک تو میرے مقدر کو بگاڑا اس نے

اور پھر اس پہ غضب ہنس کے بنانا دل کا

میرے پہلو میں نہیں ، آپ کی مٹھی میں نہیں

بے ٹھکانے ہے بہت دن سے ،ٹھکانا دل کا

وہ بھی اپنے نہ ہوئے ، دل بھی گیا ہاتھوں سے

“ ایسے آنے سے تو بہتر تھا نہ آنا دل کا “

خوب ہیں آپ بہت خوب ، مگر یاد رہے

زیب دیتا نہیں ایسوں کو ستانا دل کا

بے جھجک آ کے ملو، ہنس کے ملاؤ آنکھیں

آؤ ہم تم کو سکھاتے ہیں ملانا دل کا

نقش بر آب نہیں ، وہم نہیں ، خواب نہیں

آپ کیوں کھیل سمجھتے ہیں مٹانا دل کا

حسرتیں خاک ہوئیں، مٹ گئے ارماں سارے

لٹ گیا کوچۂ جاناں میں خزانا دل کا

لے چلا ہے مرے پہلو سے بصدِ شوق کوئی

اب تو ممکن ہی نہیں لوٹ کے آنا دل کا

ان کی محفل میں نصیرؔ اُن کے تبسم کی قسم

دیکھتے رہ گئے ہم ہاتھ سے جانا دل کا

(نصیر الدین نصیرؔ)

Peer Naseer Uddin Naseer

un k andaz-e-karam , un pay wo ana dil ka

haey wo waqt , wo batein , wo zamana dil ka

na suna us ne tawajo say fasana dill ka

zindgy guzri , magar dard na jana dil ka

kuch nae batein nahi husn pay ana dil ka

mashghla he ye nihayet he purana dil ka

wo muhabat ki shoraat , wo be tahasha khushi

dekh kar un ko phoolay na samana dill ka

dil lagi , dil ki lagi ban k mita deti he

rog dushman ko bhi ya rab na lagana dil ka

ek tu meray muqadar ko bigara us ne

aur phir us pay ghazab hans k bana dil ka

meray pehlo mein nahi , ap ki muthi mein nahi

be thikanay hein bohat din say thikana dill ka

wo bhi apnay na hoay , dil bhi gia hathon say

esay anay say tu behtar tha na ana dill ka

khoob hein ap bohat khoob , magar yaad rahay

zeb deta nahi esooon ko sataana dill ka

be jhijhak aa k milo , hans k milao ankhein

aur hum tum ko sikhatay hein milana dill ka

naqsh bar aab nahi , wehm nahi , khuwab nahi

ap kion khel samjhtay hein mitana dill ka

hasratein khaak hoein , mit gaey armaan saray

lut gia koochae jaanaN mein khazana dill ka

le chala he meray pehlo say basid shauq koi

ab tu mumkin nahi laut kay ana dill ka

un ki mehfil mein Naseer , un k tabasum ki qasam

dekhtay reh gaey hum , haath say jana dill kaa