Dil Ko ik Baat || Jaun Elia Poetry || Jaun Elia Sad Shayari || Jaun Elia Best Poetry || John Shayari

Dil Ko ik Baat || Jaun Elia Poetry || Jaun Elia Sad Shayari || Jaun Elia Best Poetry || John Shayari

Click Here to watch the video

دل کو اک بات کہہ سنانی ہے

ساری دنیا فقط کہانی ہے

تو میری جان داستان تھا کبھی

اب ترا نام داستانی ہے

سہہ چکے زخمِ التفات تیرا

اب تری یاد آزمانی ہے

اک طرف دل ہے، اک طرف دنیا

یہ کہانی بہت پرانی ہے

تھا سوال ان اداس آنکھوں کا

زندگی کیا نہیں گنوانی ہے

کیا بتاؤں میں اپنا پاسِ انا

میں نے ہنس ہنس کے ہار مانی ہے

ہوس انگیز ہے بدن میرا

ہائے میری ہوس کہ فانی ہے

روز مرہ ہے زندگی کا عجیب

رات ہے اور نیند آنی ہے

زندگی کس طرح گزاروں میں

مجھ کو روزی نہیں کمانی ہے

جون ایلیا