AGAR YEH KEH DO BAGAIR MERAY NAHI GUZAARA TOU MAI TUMHARA Full Urdu Poem By Shafique Khokhar-- www.akhrish.com
اگر یہ کہہ دو
بغیر میرے نہیں گزارا ،
تو میں تمہارا...💗
یا اس پہ مبنی
کوئی تاثر کوئی اشارہ ،
تو میں تمہارا...💕
غرور پرور ، انا کا مالک
کچھ اس طرح کے ہیں نام میرے ،
مگر قسم سے
جو تم نے اک نام بھی پکارا ،
تو میں تمہارا...
تم اپنی شرطوں پہ کھیل کھیلو ،
میں جیسے چاہوں لگاؤں بازی ،
اگر میں جیتا تو تم ہو میرے ،
اگر میں ہارا ،
تو میں تمہارا...
تمہارا عاشق ، تمہارا مخلص
تمہارا ساتھی ، تمہارا اپنا
رہا نہ ان میں سے کوئی دنیا میں ،
جب تمہارا ،
تو میں تمہارا...
تمہارا ہونے کے فیصلے کو ،
میں اپنی قسمت پہ چھوڑتا ہوں ،
اگر مقدر کا کوئی ٹوٹا ،
کبھی ستارہ ،
تو میں تمہارا...
یہ کس پہ تم تعویز کر رہے ہو ؟
یہ کس کو پانے کے ہیں وظیفے ؟
تمام چھوڑو بس ایک کر لو ،
جو استخارہ ،
تو میں تمہارا.
Post A Comment: