Tabeeb Ban kar Jo Aa Gaye Ho

Tabeeb Ban kar Jo Aa Gaye Ho Full Urdu Hindi Ghazal By Shafique Khokhar-- www.akhrish.com

طبیب بن کر جو آگئے ہو میں نیم جاں تھا تو تم کہاں تھے

تمہاری الفت کی بے حسی پر میں نوحہ خواں تھا تو تم کہاں تھے

ہر ایک گُل تھا خزاں رسیدہ کہ آگ ہر سو لگی ہوئی تھی

بہار آئی تو آگئے ہو یہاں دھواں تھا تو تم کہاں تھے

لہو سے میں نے دیے جلائے تو پھر کہیں یہ سحر بھی آئی

اندھیرا ہم پہ طویل راتوں کا حکمراں تھا تو تم کہاں تھے

فلک سے گفتار بے تحاشا ستم کے شعلے برس چکے ہیں

جھلستے صحرا میں کوئی سایہ نہ سائباں تھا تو تم کہاں تھے

شعور گفتار آ گیا ہے نہ میرے لہجے میں زہرگھولو

مجھے اب اپنی زباں ملی ہے میں بے زباں تھا تو تم کہاں تھے؟؟