ہـــر روز زندگی میں نیا امتحاں رہا

ہـــر روز زندگی میں نیا امتحاں رہا

غم ساتھ ساتھ ہی رہے مَیں تو جہاں رہا

اک مَیں کہ عمر بھر سے طلبگار تھا تِرا

اک تُو کہ غیــــر پہ ہی سدا مہرباں رہا

               رنج و الم کے مارے ہُوؤں کو خبر کہا

دشمن تھا جان کا جو صفِ دوستاں رہا

                فتوے لگانے والو ۔۔۔۔۔۔۔ بتاؤ ہمیں ذرا 

تھا کس کا سر جو رات کو نوکِ سناں رہا

            پتھر اُٹھانے والوں میں کس کس کا نام لوں

شامل سبھی کے ساتھ مِرا جانِ جاں رہا

           مانگی خُدا سے تیرے لئے ہم نے ہر خوشی

لیکن تُو میری ذات سے ہی بَد گُماں رہا

           گوہر مُجھے تو اپنی بھی چاہت نہ تھی مگر

میری طلب میں جانے کیوں سارا جہاں رہا