قربتوں میں بھی جدائی کے زمانے مانگے

قربتوں میں بھی جدائی کے زمانے مانگے

دل وہ بے مہر کہ رونے کے بہانے مانگے​

ہم نہ ہوتے تو کسی اور کے چرچے ہوتے

خلقتِ شہر تو کہنے کو فسانے مانگے​

یہی دل تھا کہ ترستا تھا مراسم کے لیئے

اب یہی ترکِ تعلق کے بہانے مانگے​

اپنا یہ حال کہ جی ہار چکے لٹ بھی چکے

اور محبت وہی انداز پرانے مانگے​

زندگی ہم ترے داغوں سے رہے شرمندہ

اور تو ہے کہ سدا آئنہ خانے مانگے​

دل کسی حال پہ قانع ہی نہیں جانِ فراز

مل گئے تم بھی تو کیا اور نہ جانے مانگے​